غير إنهن من أجمل النساء بالعالم، البنات اللبنانيات وفيات وبيتمتعوا بآراء قوية. مواعدة بنت لبنانية فكرة رائعة – وهيدا الشي كمان بينطبق على الشباب اللبنانيين.
ليش تواعدوا بنت لبنانية
1# بحبوا العائلة
البنت اللبنانية دايمًا بتكون بتوجه عائلي. ببلد ثقافة العيلة فيه مهمة، رح تلاحظوا وجود هالصفة عند البنات اللبنانيات. فكرة الزواج والأولاد ما رح تخوّفها، بالعكس، هي رح تشجع الفكرة.
2# هنّ حلوين
البنات اللبنانيات فعلاً محظوظات بجمال طبيعي. صحيح بيهتموا بمظهرهن، بس حتى لو طلعت من البيت بدون ميك أب وبشعر منكوش، رح تتفوق على معظم المتسابقات بملكة جمال الكون.
3# عندهن قوة إرادة
البنات اللبنانيات عندهن إرادة قوية وعقلية قوية. ما تتوقعوا دايمًا تحصلوا على اللي بدكن ياه، لأنه بتكون هي مصممة تحصل على اللي بدها ياه. وعلى الأرجح هي بتربح.
4# بيهتموا بمظهرهن
مثل الشباب اللبنانيين، البنت اللبنانية بتعرف كيف تهتم بمظهرها. بتعرف كيف تحط ميك أب وتزبط شعرها. وعلى الأرجح إنها بتهتم بجسمها أكتر منكم.
5# ثيابهن حلوة
البنات اللبنانيات كتير ستايلش. بيعرفوا كيف يلبسوا لأي مناسبة، سواء كان عرس، أو موعد، أو حتى بس ليروحوا يشتروا شي من الدكان… رح يكونوا مبيّنين مثل الموديل.
6# هنّ ذكيات
البنات اللبنانيات مش بس لينعرضوا. عندهن آراء وهنّ متعلمات. رح يتحدوكم وعلى الأرجح يربحوا. هن مستقلات، فما تتوقعوا تحصلوا على اللي بدكن ياه معظم الوقت!
7# بيعرفوا يطبخوا
هيدي فعلاً نعمة لأي شاب عنده الحظ إنّ يواعد بنت لبنانية. ما بتعمل سندويشات توست عادية، بتعمل أكل حقيقي… أفضل نوع أكل – الأكل اللبناني! وعلى الأرجح إنها بتعرف تعمل تبولة رهيبة! بس لازم تكونوا جاهزين لتساعدوها!
8# ما لازم تغلطوا معها
في عيلتها وراها. إذا عملتوا شي وزعجها، توقعوا زيارة من بيها، إخوتها، أعمامها، أولاد عمها، أولاد عم أولاد عمها والجيران – وهيدا كله من بعد ما تكون هي علمتكن درس. (مجرد تحذير… ما بدكم تغلطوا معها)
9# هنّ كريمات
البنات اللبنانيات كتير كريمات. مش دايمًا رح يخلوكم تدفعوا الفاتورة ورح يصرّوا يدفعوا عن وجبتهم وحتى عن وجبتكم. هنّ كريمات بوقتهن وعاطفتهن كمان. رح تحصلوا على اللي بتقدمولها ياه، ومضاعف ميّة مرة.
10# رح يوقفوا جنبكم
البنت اللبنانية وفيّة. ما لازم تقلقوا إنه تكون مع حدا ثاني لما ما تكونوا مع بعض. رح تسندكم وما رح توقفكم عن تحقيق أهدافكم. هي أفضل شريكة ممكن تحصلوا عليها.
إقرأ أيضاً: الأسباب لمواعدة شاب لبناني
