مواعدة شاب لبناني مش متل مواعدة أي حدا ثاني. من القيم العائلية القوية لبيملكوها لجمالهم، وصولاً لطموحاتهم الكبيرة. هيدا شي بتحتاجوا بحياتكم.
ليش تواعدوا شاب لبناني
1# بحبوا العائلة
اللبنانيين بشكل عام بحبوا العائلة، فطبعاً هالقيم رح تكون موجودة عند الشاب اللبناني. ما رح تعطلوا همّ إذا كان بده ولاد أو لأ. وكمان ما رح تفكروا بقديش رح ياخد وقت ليطلبكم للزواج، لأن على الأرجح ما رح يطول.
إقرأ أيضاً: إليكم 10 أسباب ليش لازم تواعدوا بنت لبنانية
2# عندن أناقة باللبس
أوه نعم، الأناقة! الشباب اللبنانيين بيلبسوا بأناقة. سواء كانوا رايحين عموعد أو عالبحر… حتى لو رايحين يشتروا شي من الدكانة، بيّترتبوا للمناسبة. وغالباً لابسين على آخر صيحات الموضة.
3# عندهم أخلاق
الشباب اللبنانيين مربيين منيح. بيفتحولكم باب المدخل، بيفتحولكم باب السيارة، بيحترموكم… لأنهم بيعرفوا إنه إذا أمهم عرفت إنه ما عملوا هيك، رح ياكلوا قتلة.
4# بيهتموا بمظهرهم
مش بس بيهتموا بلبسهم، الشباب اللبنانيين بيهتموا بنظافتهم. بيحلقوا أو بيحافظوا على دقنهم وبيتأكدوا إن ما يأخروا على موعد الحلاقة الشهري. وبيتمرنوا كمان.
هيدا واحد من التعليقات اللي بنسمعها أكثر شي من الأجانب اللي بيزوروا لبنان، “كيف تكلهم هيك مهتمين بمظهرهم؟”
5# هم أوفياء
الوفاء شي مهم كثير عند الشباب اللبنانيين. رح يبقوا ملتزمين فيكم ورح يحاولوا يحلّوا الأمور إذا العلاقة واجهت مشاكل.
6# عندهم طموح
هيدي مش شي بفاجئ. الشباب اللبنانيين بيطمحوا يوصلوا للنجوم. سواء كان على صعيد أهدافم المهنية أو العائلية، مضمون إنهم عندهم خطط كبيرة لنفسهم بالمستقبل ورح يشتغلوا ليحققوها.
#7 رح يهتموا فيكم
رح يدلعوكم. هيدا جزء من ثقافتنا. ما تتوقعوا تتقاسموا الفاتورة لما تطلعوا، هو رح يدفع. حتى لو ما معه، أهله رح يتأكدوا إنه يكون معه كفاية.
نقطة إضافية: #8 ولادكم رح يكونوا لبنانيين
إذا تزوجتوا شاب لبناني، هيدي طريقة مضمونة إن ولادكم يكونوا لبنانيين لأننا ما منشوف إنه هالقانون رح يتغير قريباً. بس خلينا ما نستبق الأمور.
