أحلى شي فيكن تعملوا بشهر آب، هو إنه تزوروا المناطق الجبليّة والضيع اللبنانيّة.
إهدن ضيعة بعيدة عن شوبات المناطق الساحلية وبتوقع عى ارتفاع 1,600 متر عن سطح البحر. وبيعبرها البعض أحلى ضيعة فيكن تزوروها بالصيفيّة.
فجمال إهدن واضح وما بيتخبى وبتعتبر الضيعة مكان راحة بعيدة عن ضجّة المدينة وملجأ بنص المنطقة الريفيّة.
اكتشفوا معنا أنشطة ما بتتروح بإهدن هالصيفية:
زوروا حرش إهدن
إذا كان عبالكن تعملوا هايكنج وتتفرجوا عمناظر طبيعيّة خلابة، فانطلقوا صوب حرش إهدن. فبتضّم هالمحميّة نباتات محليّة نادرة وحيونات مهدّدة متل العقاب البلوني والذئب الرمادي والقطط البريّة و ابن آوى الذهبي والثعلب الأحمر.
تأملّوا غروب الشمس
أجمل غروب شمس فيكن تشوفوا هو بالجبيل اللبنانييّه. من بعد ما تضّوا نهار بإهدن، ارتاحوا وشربوا شي إنتو وعم تتأمّلوا غروب الشمس الذهبي. فيكن كمان تمرقوا على بار من بارات المنطقة لتحلى القعدة.
مهرجانات إهدنيات الدولية
رجعت مهرجانات إهدنيات الدولية هالسني وجايبي معها مجمعوة فنانين بتجنّن.
بتعتبر المرجانات احتفال فنّي وترفيهي بتشمل الموسيقى والمسرح والرقص والكوميديا وغيرها من العروض.
هالسنة، رح يستقبل المسرح ناصيف زيتون وجون أسقر والأخرس وجوزيف عطية وDancing Moon.
للمزيد من المعلومات، تفقدوا صفحتهم على الانستغرام!
زوروا كنيسة سيدة الحصن
كنيسة سيدة الحصن من أقدم الكنايس بإهدن. بتطل على منظر بانورامي للضيعة وللمناطق المجاورة. بتحسوا حالكون هونيك وكأنكن على راس العالم!
زوروا Al Midan
هيدي الساحة مشهورة بمطاعمها وباراتها ومحلاتها. حتّى لو ما عبالكن تقعدوا، فيكن تكزدروا بساحة Al Midan وتعيشوا أجوائها الحيويّة.
عملوا هايكنج بمحميّة حرش إهدن
بتوقع محميّة حرش إهدن على ارتفاع 1200 متر لـ2000 متر من سطح البحر. فبتتباهى هالمحميّة بمساحة 1700 هيكتار وبخاضرها.
فيكن تنظموا مع رفقاتكن مشروع هايكنج على حرش إهدن وتعيشروا تجربة بالطبيعة ميثاليّة.
زوروا الكنايس
بتستهدق السياحة الدينيّة ضيعة إهدن المعروفة بكاتدرائسّة مار جرجس محلّ ما اندفن يوسف بيك وكنيسة سيدة وادي قنوبين. فاكتشفوا وزوروا هالكنايس الصغيرة.
كلوا بمطعم
مع كل هالانشطة اللي فيكن تستمتعوا فيها بإهدن، ضروري تلاقوا مطعم طيّب لتتغدوا. ففيكن تجربوا المطبخ المحلّي.
وضروري تتذوقوا الأكل الزغرتاوي التقليدي متل الكبّة المعروفة بحجمها المدوّر والبصل المقلي مع اللحمة والدهن.
شربوا كاس
ابتنشهر ضيعة إهدن بالسهر وبتعدّد الأماكن متل Minus Pub وLouis Bar وLabel وNoir Resort وAce Bar وTrace لبتضمنلكن ليلة كلّها موسيقى وشرب وحيويّة.
قضّوا الليلة… أو النهار
بتقدّم إهدن مجموعة واسعة من guesthouses والهوتالات وين فيكن تقضوا أوقات حلوة مع رفقاتكن وتكتشفوا الأنشطة الكتيرة المتوفرة بالمنطقة.
تفقدوا تمثال يوسف بيك كرم
خلق يوسف بيك كرم سنة 1823 وبيعتبروا بطل اسطوري حارب ضدّ حكم السلطنة العثمانية بجبل لبنان.
فوقتا تزوروا الضيعة، ما تنسوا تقطعوا عتمثاله اللي بيعتبر معلم تاريخي مهم بإهدن.
زوروا كنيسة مار ماما
بتعتبر كنيسة مار ماما أقدم كنيسة مارونيّة بلبنان وبالمشرق العربي وين فيكن تلاقوا كتابات باليوناني وبالسرياني.
زوروا وادي قنوبين
وادي قنوبين، أو وادي قاديشا، من أهّم الأماكن اللي بتروحولها بس تزوروا إهدن.
بتوقع هيدي الوادي بقضاء بشرّي وقضاء زغرتا. حتلاقوا بالوادي مغارات وكنايس وأديرة قديمة وشلالات بتاخد العقل!
