شاركوا الاهل لخسروا ابنن بانفجار بيروت رسالة بتقطّع القلب

Sarah Copland

English Français

تحذير: محتوى حسّاس حول انفجار مرفأ بيروت معقول يأثّر بالقارئ. القراءة تحت طائلة المسؤولية.

حطم انفجار مرفأ بيروت كتير من العيَل. وسرق هيدا الانفجار حياة اللي بحبوون. بيّات وإميّات وولاد وجدود وإخوة وخوال وعموم وعمّات وخالات وقرايب ورفاق… خسارات ما بتحصى وأوجاع ما بتنتهي.

ومن الأهل اللي المحزونين على ولادن، سارة كوبلاند وكريغ أوهلرز اللي كانو ساكنين ببيروت لمّا وقعت الكارثة. وعم يشاركوا اليوم رسايل بتقطّع القلب ليتذكروا فها إبنن Isaac أوهلرز اللي كان عمره سنة وثلاثة أشهر بس مات من ورا جروحه.

وكتبت سارة على Twitter: “ما فكرت بحياتي إن Isaac رح ينشهر بهيدي الطريقة” وشاركت صورة بيظهر فيها ابنها على يافطة إعلانات بلبنان.

وشكرت “الشعب اللبناني اللي تبنّى ابنها واللي بيتذكره دايمًا”.

وصار الطفل Isaac معروف بين اللبنانييه لبيعتبروا ضحية من ضحايا البلد وبيتذكروا على هيدا الأساس.

عبّر كمان كريغ أوهلرز، بيّ Isaac، عن شعوره الرهيب بس فقد إبنه الأول من سنتين من ورا شرّ العالم لخطفولوا إبنه.

ونشر على Twitter: “من وقتا، كل يوم، بتقتلني خسارتك. ذرفت مليون دمعة ورح إبكي مليون دمعة تانين عليك يا إبني”.

موت الطفل Isaac كسر قلب أهله وقلب اللبنانيه اللي شافوا ولد بريء عم ينقتل من ورا المسؤولين اللبنانيه اللي خزنوا وأهملوا نترات الأمونيوم بين المواطنين.

ومتل أهل الضحايا التانيين، بعدها عايلة أوهلرز عم بتطالب بتحقيق شفاف في انفجار بيروت ليرجعوا حقّ روح Isaac.

السفارة الأسترالية – بيروت، لبنان

السنة الماضية، كرّم متحف سرسق والسفارة الأسترالية الطفل Isaac وركّبوا مرجوحة بالمتحف كنصب تذكاري محلّ ما كان يلعب الطفل.

شاركت سارة كوبلاند فيديو لتطلب من المجتمع الدولي يفتح تحقيق دولي بانفجار بيروت:

تذكروا اساميهن : ضحايا انفجار بيروت الـ244+.

تابعوا كمان: الجدول الزمني للتحقيق بانفجار بيروت، بعد سنتين

English Français