مرق سوق السيارات الأميريكي بفترة تغييرات ملحوظة بالستينات وسرقت الأضواء بوقتا سيارة أنيقة وأداءها عالي. وبعد أكتر من عشر سنين، لفتت السيارة ذاتها الأنظار من جديد لمّا ظهرت بفترة الحرب الأهلية بلبنان.
بآخر الأربعينات، بلّشوا يخترعوا مصانع السيارات مودالات وابداعات جديدة، بينما كان كرايسلر، مصنع سيارات من دترويت، ميشيغان، عم بركز اكتر على أداء وهندسة السيارات.
منعطف حاد
بس تراجعت منتوجات كرايسلر وما قدرت سيارت Plymouth تنافس غير سيارات بما انو عم يعرض السوق مودالات مميزة وملونة ومتينة.
فتوضحت الصورة، وفهم رئيس تصميم كرايسلر، فيرجيل أكسنر، انه مجموعة Plymouth لازم تطور وتلحق باقي السيارات. فبلّشوا يستبدلوا الديزاينات واتخلّوا عن الشكل العلبة اللي كان مسيطرة على سيارات Plymouth.
حققت مجموعة Plymouth تغيير جذري مهم وصمّت سيارات فريده من نوعها: سيارة Plymouth XNR 1960.
بالرغم من شكلها الفريد وقوتها المذهلة، ما وصلت الرودستر لمرحلة الصناعة بسبب كلفتها العالية.
وبدلا عن مشاركتها بعرض السييارات بأميركا، شحنوا السيارة على ايطاليا، محل ما تصّممت، وانباعت من بعدها لرجل اعمال سويسري، اللي باعها لمحمد رضا بهلوي، آخر شاه إيران.
موقف تحت الأرض
بعد ما انباعت لتاجر سيارات بالكويت، وصلت اخيراً السيارة واستقرّت ببيروت بأول السبعينات، حيث تركها رجل اعمال لبناني بكراج تحت الأرض.
بلّشت الحرب الأهلية بلبنان بسنة 1975 وبعد كم سنة بلّش مراهق لبناني اسمه كريم ادّي يجمّع سيارات بنص الدّمار.
بالثمانيات، كان يدفع إدّي لمراهقين لينبشوا على سيارات مميّزة ببيروت مخباية بالكراجات وخاصةً الفيراري.
وبحسب ما قال إدّي، في نهار اجا الفريق وخبّرو بحماس عن سيارة “غريبة” لاقوها بكراج حد بيته.
قال انو دغري عرف الـXNR واشتراها، قبل ما ينقلها من محل لمحلّ بالحرب، تيحافظ عليها ويبعدها من الدمار.
بعد ما خلصت الحرب بـ1990، بلّش ادّي ينبّش على مرممّين بارعين ليصلحوا السيارة. رجع لاقا مرممين RM بكندا وبعتلن السيارة سنة 2008.
خلص الشغل بالسيارة سنة2011 وانباعت بمليون دولار ($935,000) بمزاد شركة RM بآب 2012.
مش من زمان، اخترع Mark Towle وفريق Gotham Garage نسخة للسيارة وانعرضة بحلقة بمسلسل نتفليكس: Car Masters: Rust To Riches. اليوم موجودة النسخة بمتحف بيترسن للسيارات بلوس انجيليس، كاليفورنيا.
