كلنا عم من موت من الشوب بهالصيفية. فنبشنا على طرق كترية لنبورد ولقينا جواهر طبيعية من بحيرات وأنهار لنسبح ونرتاح وننبسط بالطبيعة بنفس الوقت.
ففينا نلتجئ بهل انهار والبحيرات لنهرب من ضربات الشمس القويّة ودرجات الحرارة العالية. اطلعوا على هالليستا لي بتشمل أماكن فيكن تقضوا نهاركن فيا.
بحيرة شوان
بحيرة شوان جوهرة طبيعية بنص وادي ضيعة شوان. بتاخد بس 45 دقيقة من الاوتوستراد البحري.
نهر بعقلين
فيك تهرب على نهر بعقلين بمنطقة الشوف وتسبح بالماي الصافية وتتمتع بمنظر جلول الزيتون داير من دار.
بحيرة بقوفا
حتلاقوا حد ضيعة إهدن بحيرة بقوفا لي بتطل على الجبال وعلى مناظر بتجنّن.
عيون السمك
شلالات وأنهار وسباحة وغدا ولا أروع! كلّ هول بعيون السمك. فاذا كنتوا بحاجة لراحة، ضروري تزوروا هالمنطقة.
بحيرات فالوغا
بحيرة فالوغا هي خزان اصطناعي بجبل لبنان بتتميّز بجمالا الطبيعي الخلاب وبتشتهر بتنوّع الأنشطة الترفهيّة لبتقدما.
نهر يحشوش
حتلاقوا نهر يحشوش بقلب غابة بمنطقة كسروان. اذا كنتوا بتحبوا الطبيعة، روحوا عهل البحيرة وتسبحوا بمايتا الصافية والهادية.
بحيرة عاقورة
اذا كان عبالكون تكزدروا على ضفّة البحيرة أو تروقوا اعصابكن، مننصحكن تزوروا بحيرة عاقورة. ما تنسوا تميلوا عطريقكم عضيعة عاقورة !
بنشعي، زغرتا
اذا كان عبالكن تعملوا بيكنيك وترتاحوا من العجقة والمجقة، فجهزوا حالكن وانطلقوا عمنطقة زغرتا.
بحيرة قرعون
بحيرة القرعون أكبر بحيرة اصطناعية بسهل البقاع وين فيكن تركبوا عالشخطورة وتتصيدوا سمك.
