“خلصوا أكلكم” هي جملة شائعة نسمعها في بيوت اللبنانية وقت الأكل. هالجملة دايمًا بتجبر الأولاد يخلصوا صحنهم، وبتخلّيهم ياكلوا زيادة عن اللزوم. وهيدا مش صحي، بس شو بدنا نعمل؟
بالنهاية، الأمهات بيعرفوا شو الأفضل إلكن. على الأقل، هيدا اللي بدهن أنه أولادهن يصدقوه، لأنهن عن جد بيآمنوا بهالشي بالمواضيع المتعلقة بالأكل والتربية.
وبالتالي، منصدق حتى القصص الغريبة المتعلقة بالأكل اللي بتقولها أمهاتنا. ما بلومكن أبدًا. هنّ أخذوا هالقصص من أمهاتهن اللي هنّ آخذينا من أمهاتهن.
1# 7Up هو العلاج لكل شي
حاسين بدوخة؟ خذوا 7Up ، حاسين بالانتفاخ؟ اشربوا 7Up. طالعة حرارتكم؟ عم أتخايل صوت الأم برنّ بالبيت، “جيبوا الـ7Up بسرعة!”
2# إذا شربتوا قهوة، رح يطلعلكم شوارب
ارفعوا أيدكم إذا سامعين هالجملة عشرات المرات لما كنتوا صغار. وشو كانت هالفكرة مرعبة للبنات خصوصة!
3# إذا بلعتوا بذرة، رح يطلعلكم شجرة ببطنكم
بعتقد البعض منّا كان يشوف كوابيس عن هالشي، خصوصًا أنه سهلة تنبلع بذرة بطيخ بالغلط.
4# أكل السمك والحليب سوا بسمم
كثير من الناس بعدهم بيصدقوا هالخرافة من طفولتهم، بس ما في دليل قوي بيدعم هالادعاء. عدد الأطباق العالمية اللي بتتحضر مع السمك ومنتجات الألبان كافي ليدحض هالخرافة.
5# إذا بلعتوا علكة، رح تبقى سبع سنين في معدتكم لتنهضم
اعترفوا، يمكن تكونوا مذنبين بهالشي مثل كثير منّا، خصوصًا لما الأستاذ يحدّق فيكن ويقول: “عم تعلكوا بصفّي؟!”
ويا حرام، كنتوا تمرقوا بأيام من وجع البطن الوهمي، مصدقين إنه العلكة علقت جواتكم للسبع سنين الجايين!
كأطفال كيف مفروض تعرفوا إنه العلكة ما “بتنهضم”، وإنه هي بس بتمر عبر الجهاز الهضمي وبتخرج من الجسم بالحمام؟
6# ضروري تاكلوا كل الأكل بصحنكم
خلينا نحكي عن هالشي، كم مرة سمعنا أمهاتنا الحبيبات بيقولوا لنا، “ما في قوّمي عن الطاولة قبل ما يخلص كل الصحن!”
إذًا، حتى ولوّ بطننا مليان وشبعنا، لازم نكمل الأكل، ونعوّد جسمنا على استهلاك أكثر من حاجته.
وبعدين، لما نصير كبار، بيقولوا لنا إنه مش صحي ناكل بكمية زائدة ولازم نعمل “دايّت”. طيّب، منعتذر! للأسف تأخرنا على هالشي.
7# الجسم ما رح يهضم إذا نمتوا من بعد ما تاكلوا مباشرةً
بطريقة من الطُرُق، وعبر الأجيال، حدا طلع بهالحكمة إنه لازم ننتظر 30 دقيقة بعد الأكل قبل ما ننام.
وبطريقة من الطُرُق، كان معتقد إنه إذا نمتوا بعد الأكل، معدتكم كمان بتنام وبتوقف وظيفتها الهضمية (نعم؟). وبطريقة من الطُرُق، ولدت هالخرافة من دون إثبات لتستند عليه.
#8 إذا أكلتوا كثير خبز وبيتزا، بطنكم رح يصير عجين
أكيد مش صحي ناكل كثير بيتزا ومعجنات وهيدا الشيء رح يخلينا نسمن، بس ما كان فيهن ببساطة يقولوا لنا إنه الأكل البيّتي أصح؟
ومع هيدا كله، أمهاتنا اللبنانية هنّ أبطالنا بكل الأوقات، هيدا موضوع ما فيه نقاش، وهنّ عم يثبتوا هالواقع أكثر في هالأيام. ما في شي يوقفهن عن العمل اللي هنّ أشطر شي فيه: إنه يكونوا أمهات لبنانية رائعة!
