تحذير: محتوى حسّاس حول انفجار مرفأ بيروت معقول يأثّر بالقارئ. القراءة تحت طائلة المسؤولية.
من بعد ما أطلق مبادرته المؤثرة بـ2020، قدّم دكتور جو بارود، جرّاح تجميل لبناني، عمليات تجميل ببلاش للمتضررين من انفجار بيروت. وقدر بهيدي الطريقة إن يخلص أكتر من 400 وجه.
واستعمل دكتور جو مهاراته ليمحي بشكل نهائي الجروحات الجسدية، بأمل إنه يخفف من جروحاتن النفسية. فارتاحوا الضحايا من الوجع اللي كانوا يشعروا في كل يوم، كل ما يطّلعوا بالمراية.
نصاب أكتر من 7000 شخص بانفجار بيروت خصوصة بسبب الإزاز المكسور لترك عوجوهن وأجسامن جروحات لعطول.
أكتر من 400 ضحية عانت من جروحات أو حروقات كبيرة زارت عيادة دكتور بارود. ووصف الدكتور إن بعد الانفجار، انتلت، عيادته لبتتألّف من أربع غرف، لدرجة إن صاروا الناس يوقفوا بالكوريدور.
وبمقابلة مع Nas Daily، صرّح إن هو اللي موّل الجراحات التجميلية. كل اللي كان يطلعه من شغله اليومي كان يضبّه عجنب ليشتري المعدات اللازمة لهل الجراحات.
وكل مريض كان عنده نفس القصّة بس بنظرة مختلفة. ومتل ما قال دكتور بارود، الجزء الأصعب من هيدي المبادرة كان جانبها النفسي.
وبالحقيقة، كان الدكتور عم يعمل 15 جراحة كل يوم يعني 400 جراحة بالسنتين اللي مرأت. كرمال هيك، كان مضطر ان يسمع “القصة نفسها 400 مرّة من 400 وجهة نظر مختلفة”. وشكل هل شي تحدي نفسي بكل مرّة.
ومتل ما وصفوه المرضى اللي راحو لعندو، صار يعتبر اليوم بطل ببلده لأن إدر “يشفي جروحاتن الداخلية والخارجية”.
ومن خلال هل المبادرة العظيمة، عطى دكتور جو بارود فرصة تانية لميات الأشخاص ليعيشو حياة طبيعية.
وبوسط وحشية انفجار بيروت والمسؤولين عنه والعدالة الميؤوس منا، قدروا أبطال استثنائيه متل دكتور بارود إن يرجعوا يعيشوا الإيمان بالإنسانية وببلد عم يسعى لينتصر.
اطلعوا كمان: تذكرو أساميهن: ضحايا انفجار بيروت ال 244+
