مع إرتفاع غير مسبوق لدرجات الحرارة بلبنان، من المهم إنو تهتموا بحالكن خصوصة إنو الطقس ممكن يسير خطير.
أولًا ركّزوا على واجباتكن تجاه الطبيعة: ما تولّعوا النار بالمحلّات الدقيقة ولا تلوّثووا وإنتبهوا على صرف الماي.
اطالعوا على طرق لتواجهوا موجة الشوب وتبورد خلال طقس الصيف المشوب:
زوروا الأماكن لي فيا ماي
بيتميز لبنان ببحيرات وأنهار ولا أروع. فاستفيدوا من هلموارد الطبيعيّة خلال موجة الشوب. فإذا مضيتوا وقت حدّ الماي، رح تنبسطوا بالماي المنعشة وتتسبحوا انتو ومبوردين.
حضّروا مشروبات بالبيت
حاربوا الشوب بمشروبات متلجة بتتحضر بالبيت. عملوا بوظة تلج وعصاير بالفواكة المتلجة، منو بتبوردوا ومنو بتاكلوا شي صحّي وبتغيروا عن الحلو لي بتشتروا من السوبرماركت.
كزدروا من عشيّة
كزدروا أو شاركوا بالأنشطة بالهوا الطلق بس تغيب الشمس وتخف درجة الحرارة. بتقدروا تهربوا بهالطريقة من الشوب وتتأملوا غروب الشمس.
اخترعوا أي سي
إذا ما كان عندكن مكيف، فيكن تخترعوا واحد بالمروحة وبكاسة تلج. حطوا كاسة التلج بوج المروحة كرمال يبرد الهواء لطالع منا.
رطّبوا جسمكن بالإلكتروليت
بهيك طقس، بتخسروا كتير إلكتروليت مع العرق. فكتروا مشروبات غنيّة بالإلكتروليت أو ماي جوز الهند لتعوضوا عن المعادن لخسرتووا.
كتروا سوائل
هي واضحة، بس حنضل نشدّد ونذكركن عن أهميّة الماي بالصيف. وإذا بدكن…
شربوا ماي منكهة
كتروا السوائل ونكهوا مياتكن بقطع خيار وحامض ونعناع وتوت. حتساعدكن هالنكهات لتشربوا أكتر وتبرودكن، خصوصة اذا ما بتشربوا كتير ماي بالعادي.
