قصّة سبينيس المجهولة بلبنان

بقدّم سبرماركت سبينيس مجموعة واسعة من منتجاتكن المحليّة والعالميّة المفضلّة بس قصته أقدم مما بتتصوروا.

مع إنّو فتح سبينيس بلبنان بـ1998، بس السبورمارك عالي الجودة أقدم بكتير. بلّشت قصّته المثيرة للاهتمامه بأوائل عشرينات القرن الماضي.

بعد الحرب العالميّة الأولى، إفتتح سبينيس أول خدمات نقل عبر البّر بالصحرة بين دمشق وبغداد.

مؤسس سبينيس كان ضابط بالجيش البريطاني، إسمه أرثر رادون سبيني، وكان عضو في رتبة الإمبراطورية البريطانية في مكتب إدارة السكك الحديديّة بـفلسطين.

فتح أول سوبرماركت سبينيس أبوابه بيافا وكان أول محل بقدّم منتجات بريطانيا بـفلسطين.

هيدا السبورماركت بلّش كمحلّ ببع منتجات مستوردة للقوات البريطانية بفلسطين وسوريا المنتدبين.

كانت علاقته معمع مفوض فلسطين منيحة وكان كمان وصي على حيفا خلال الحرب العالميّة التانيّة.

تولّى مناصب مرموقة بفلسطين متل قنصل هنغاريا ورئيس منظمة الروتاري الدولي بحيفا. وبعدان تقاعد بستينات القرن الماضي.

وبلّش سبينيس يفتح فروعة بالمناطق لبعيشوا فيها بريطانييه متل الإسكندريّة والقاهرة وحيفا والقدس وعكّا ودمشق.

بين 1936-1939، وقتا بلشّت الثورة العربيّة بأراضي الإنتداب البريطاني، إنقطعت خدمات السكة الحديديّة الضروريّة لإستيراد منتجات سبينيس، فإضطرّ سبينيس ينقل من حيفا عبغداد.

قبل ما يخلص العقد، فتح سبينيس بدول الخليج العربي. وأخيرًا، وصل سبينيس عبيروت بـ1948 وفتح بسوق بيروت القديم وضلّ فاتح عمدّة 3 عقود.

بآوخر خمسينات القرن الماضي، إضطرّ سبينيس يعيد النظر بوجوده ببغداد. فكنت ثورة 14 تموز, المعروفة باقلاب 1958 بالعراق، بلّشت. فاضطرت سلسلة السوبرماركات تنقل مرّة تانية، وهل مرّة نقلوا عدبي بالإمرات العربيّة المتحدة وفتحت فرع هونيك بسنة 1961.

أقل من 30 سنة من وقت ما فتح بلبنان، إضطرّ سبينيس ياخود قرار صعب. كان وقتا بعدها الحرب الأهليّة مبلشة وكان السوق القديم بطّل آمن.

فبسنة 1976، سكّر سبينيس ببيروت وإنسحب من الأسواق اللبنانيّة.

وما رجع سبينيس علبنان إلا بعد 20 سنة. ورجع فتح بعد 22 سنة مع منهج جديد وصار هايبرماركت مع فرعه الأساسي بضبية، بشمال لبنان.

اليوم صار سبينيس سوبرماركت معروف بلبنان، وعندو 12 فرع بيمتدوا من طرابلس بشمال لبنان لصور بجنوبه.

وهيدي قصّة السوبرماركت العالي الجودة لبلّش كعلامة بتخدم القوات الإستعماريّة بفلسطين المنتدبة.