اذا كان عبالكم تهربوا من الشوب، فيكن تزوروا العالم الباطني!
بيتباهى لبنان بجمال مغاوره، وخصوصة مغارتين جعيتا وأفقا، المعروفة بتكوينها وتاريخها لبيحبسوا الأنفاس ولبيجذبوا محبّي الطبيعة والمغامرات.
مغارة قاديشا
عمرها مغارة قاديشا أكتر من 10 مليون سنة وطولها أكتر من 778 متر وبينبع نهر قاديشا منها. إذا زرتوا المغارة، حتلاقوا تشكيلة ملونة من نوازل وصواعد ولا أروع. ضروري تزوروا هالعجيبة الطبيعية.
مغارة كفرحيم
بتعتبر مغارة كفرحيم من أجمل العجائب الطبيعية لبتحتوي على تشكيلة موارد متل الشلالات والنوازل والصواعد بيرسموا لوحة ولا أجمل منها. وحتلاقوا بهيدي المغارة أكتر من كهف بيختلفوا بالشكل وبالحجم. وكونون بيوقعوا 18 لـ20 متر تحت مستوى الأرض بحافظوا على حرارة معتدلة على مدار السنة.
مغارة عين وزين
إذا كنتوا بتخافوا من الأماكن الضيقة، ما مننصحكن تزوروا هالمغارة! في منن بيصوفوا مغارة ضيعة عين وزين بمتاهة. فممرات هالمغارة ضيقة بما إنوا عمقها 460 متر. واكتشفوا هالمغارة بـ2003 وقت كانوا عم بعمروا وبـ2006 انفتحت للزوّرا.
مغارة مبعاج
لتوصلوا عمغارة مبعاج، بدكن 25 دقيقة من جبيل وبتصيروا 750 متر فوق سطح البحر. الحجر بالمغارة عمرها 190 مليون سنة والأجد 30 لـ40 مليون سنة. والجزء المفتوح للزوّار ما بيتعدى 220 متر (من دون الأنفاق)، بينما بيتقدّر طول المغارة الكاملة بـ4500 متر.
مغارة الزحلان
من المعتقد إنو مغارة زحلان تكونت من ملايين السنين وبتصوّر أجمل المناظر والصخور الرسوبية لبتزيدها جمال.
