كانوا الفينيقيه، يللي بشكلو الشعب الأصلي للبنان اليوم، أمة قديمة معروفة بالسفر وبالتجّار الكبار بمنطقة البحر المتوسط.
انعرفوا الفينيقيه باكتشاف الأبجدية واكتشاف تقنية النفخ بالزجاج واللون الأرجواني. ومع إنو اختفوا من زمان، خلوا بصمة كبيرة على عالم اليوم.
وبالحقيقة، هني اللي اقترحوا اسم إسبانيا على البلد (‘i špn).
مسافرو البحار
وبحسب متحف المتروبوليتان للفنون، أسسوا الفينيقيه محطات تجارية على سواحل البحر المتوسط.
ويُعتقد أنو الفينيقيه كانوا أول ناس استوطنوا المنطقة الساحلية بإسبانيا، وأسسوا عدد من المدن القديمة، متل أقدم مدينتين بأوروبا الغربية، قادس ومالقة.
مش من زمان، اكتشفوا علماء الآثار خندق قديم وكبير بنوا الفينيقيه من حوالي 3,000 سنة بإسبانيا.
إسبانيا، أرض الأرانب
اعتبر الباحث الإسباني خيسوس لويس كونشيلوس أنو كلمة span جايي من المصطلح الفينيقي spy يلي بيعني «تشكيل المعادن»، بس كتير من الناس بيعتقدوا إنو مصطلح span جايي من الكلمة الفينيقية I-Shpania اللي بتعني حرفياً «جزيرة أو أرض الأرانب».
وبتثبت عملات رومانية من إيّام الإمبراطور الروماني هادريان نظريّة “الأرانب”، فمرسوم عليها امرأة وأرنب.
لمّا غزوا الرومان المنطقة حوالي 200 سنة قبل الميلاد، غيروا الاسم اهسبانيا. وتغيّر الاسم عبر السنين وصار متل ما منعرفوا اليوم، España بالإسباني وSpain بالإنغليزي.
