أكيد بتشوفوا تيك توكس وريلز وصور على الإنترنت بتفرجي جمال لبنان، بس مين هنّي الأشخاص ورا هالمحتوى؟
عدد كبير من المصورين اللبنانيين عم ياخدوا صور لمحلات مش شايفينا من قبل أو لمواقع تصوير حبين تكتشفووا من أول وجديد.
حضّرنا ليستة مصورين لبنانيين موهوبين لازم تابعوون:
Dann, @lebanonbydann
يمكن وصف أسلوب Dann بالتصوير والإنتاج بالسينمائي والدقيق. بساعد متابعينه على إكتشاف روائع خفيّة. وعم بصور Dann حاليًا فيديوهات عن “ديقة بحياة أيقونات لبنانيات” وإستقبل لهلأ ريجينا فنيانوس وألكسا قيامي.
جوانا شلالا، @joannashalala
بتختصّ جوانا، المصورة اللبنانيّة الأوستراليّة، بتصوير الأكل والمنتجات. بتتنقّل بكل لبنان لتاخد صور بتفرجي جمال لبنان الخلّاب.
ايهاب فياض، @ihabfayad
نعرضت صور ايهاب على National Geographic. فبياخد صور جويّة بفرجي متابعينه من خلالها الضيع والمدن والمناظر اللبنانيّّة من وجهة نظر جديدة.
@artistry.lb
عم بتصوّر جمال لبنان بشكل فريد من نوعه بياخدكن ععالم الأحلام وبرجعكن بالزمن. بتوصف المصوّرة/الفنانة صفحتها بالشغفن لبيروت وروحها. فإكتشفوا عالمها الأسطوري.
ديالا شحيبر، @framewithaview
بتحقق ديالا أحلامها عن طريق الصور. وبالإضافة لتصوير الأعراس والمناسبات والموضة والمجوهرات والأكل، بتقضّي وقتها تصوّر المناظر والمباني اللبنانيّة الخلّابة.
ماهر باركي، @maherbarake
إذا بت خافوا من العلو، ما تفوتوا عصفحة ماهر. فبصوّر ماهر فيديوهات بالدرون وبياخد صور من السماء. حتلاقوا على صفحته مناظر مدنيّة وريفيّة ولا أروع.
كارلوس هيدموس، @carloshaidamous
كارلوس هيدموس، مصوّر جوي تاني بسافر بكل لبنان من خلال الدرون تبعه. نعرض شغلوا بإكسبو دبي 2020 ومتوّفر كمان بشكل مطبوع عصفحته. وألّف كارلوس كمان puzzle Beirut, beyond pieces.
