ملاحظة: محتوى حسّاس حول انفجار مرفأ بيروت معقول يأثّر بالقارئ. القراءة تحت طائلة المسؤولية.
بعد مرور 3 سنين من انفجار بيروت بـ4 آب، بعدون أهالي الضحايا والناجيين ناطرين العدالة. فخطفت هيدي الحادثة حياة ميّات من الناس وما حدا حمل مسؤولية هالجريمة لهلأ.
فاتّحدوا الأهالي والناجيين مع بعض لينظموا تحرّك. وهاي مش أوّل مرّة بتصير؛ فصار التحرّك تقليد بيتّبعوا كلّ سنة. وهدفن الأساسي هو إن يتذكروا اللي ماتوا وإن يدعموا الضحايا.
مع كل خطوة بيخطوها، عم ببرهنوا إصرارن لتحقيق العدالة. وبدون يضمنوا إن ما حدا ينسى اللي صار.
رح يبلّش التحرّك أمام مركز فوج الإطفاء في الكرنتينا عالساعة 4 بعد الظهر. من هونيك، رح يمشوا صوب مرفأ بيروت وبيوصلوا عالساعة 5:30 بعد الظهر. بالحقيقة، هالطريق إلها معنى كبير لأنها بتربط بين الأماكن لتأثّرت بالانفجار.
هيدا التحرّك مش مجرّد مظاهرة. فهو صرخة للعدالة وعرض لقوّت الشعب. بيوعدوا أهالي الضحايا والناجيين إن ما يوقفوا قبل ما تتحقق العدالة.
مزبوط غيّر انفجار بيروت المدينة، بس قرّب الناس من بعضها وتوحّدوا بأحزانن وبعزمن. فبدون يوصلوا صوتهن من خلال هيدا التحرّك وحيحيوا ذكرى اللي ماتوا ويطالبوا بالعدالة بالرغم من كلّ الصعوبات.
وبهالمسيرة، حيذكروا العالم باللي نقتلوا من خلال كلّ خطوة وكلّ صرخة. عم بطالبوا بالعدالة وعم يتذكروا الضحايا وما رح ينسوا اللي صار.
بلّشت المظاهرات بقوّة بـ2 آب وقتا كبّوا المتظاهرين بويا حمرا على الأرض حدّ صور المطلوبين للتحقيق أمام البرلمان اللبناني. فاستعملوا البويا الحمرا ليذكروا بالوجع وبضرورة تحقيق العدالة.
بيعتبر انفجار مرفأ بيروت بـ4 آب 2020 من أسوء الكوارث لخطفت أكتر من 244 روح، ولتركت ألوف الجرحى ودمار ضخم بكل انحاء المدينة. وبترتفع قيمة الخسائر لـ15 مليار دولار وتشردوا ألوف الناس عالطرقات.
إذا كانتوا، أو بتعرفوا حدا، بحاجي يحكي، اتصلوا بفريق Embrace على هيدا الرقم: 1564.
